Festa San Cristovo

 

 

«Síntome carballés e pai das xeracións sacerdotais»

O cura séntese agradecido pola acollida que tivo na vila e destaca que o que máis lle emociona e ver a solidariedade

Tatiana maroñas

Carballo / La Voz  01 de agosto de 2012

José García Gondar (1942), natural da parroquia de Oca, en A Estrada, cumpre hoxe corenta anos como párroco na igrexa de San Xoán Bautista de Carballo. Chegou á localidade cando as cousas eran ben distintas, por iso, para el o imprescindible é mirar cara diante e ir abrindo portas na vida, aplicando sempre unha mirada positiva a todo.

-¿Como era Carballo cando vostede chegou?

-Era moito máis pequeno, case un bosque. A zona de San Martiño, San Cristovo, mesmo o lugar onde se atopa o igrexario estaba todo con herba. Vin medrar Carballo, que pasou de ser unha vila pequena a unha cidade.

-¿Que outras cousas cambiaron dende os anos setenta?

-Houbo unha evolución do sistema educativo. Cando cheguei só estaba o Alfredo Brañas e logo comezouse a construír o Bergantiños, o Monte Neme, o Parga Pondal... Fíxose un gran labor de escolarización cos rapaces de zonas marxinais. Ademais, a igrexa estaba pechada e os actos litúrxicos facíanse nun salón, por iso penso que nestes anos se fixo unha misión importante de construción da igrexa e non só do edificio, senón tamén da comunidade relixiosa.

-¿Que ten Carballo de especial para que se quedase tantos anos como párroco?

-Eu dígolle a todos os peregrinos que somos moi boa xente a pesar da mala fama que nos poñen. Eu síntome un carballés máis, tiven boa acollida e tamén me sinto pai das xeracións sacerdotais. Non cambiaría Carballo por ningún lugar. Ademais atopeime cunha comunidade moi solidaria e os voluntarios de Cáritas fan un gran labor, sobre todo nestes duros tempos de crise.

-¿Pensa xubilarse aquí?

-Si, estarei aquí ata que poda.

GRAZAS CARBALLO. 40 ANOS XUNTOS CONSTRUINDO IGREXA

Hoxe fai 40 anos que cheguei a Carballo. O 1 de agosto de 1972 viñemos para esta parroquia catro curas xovenes Ramón Antelo Pena, Jesús Barrientos Lema, Manuel Rodriguez Rodríguez, e un servidor como moderador do Equipo sacerdotal

¡Xuntos fomos vivindo e facendo tantas cousas!. Por iso, ainda  que o meu lema é “mirar para diante”, neste día quero volver a mirada atrás, e lembrar con humildade e gratitude todo canto coa axuda de Deus e a vosa colaboración fomos facendo e dar grazas a Deus noso Pai e a todos vos, irmáns carballeses.

No capítulo de obras:

Construción da Igrexa, Capela do Santísimo e Complexo parroquial, Santuario de San Cristovo, Capela dá Brea, recuperación dá propiedade do edificio no que esta o Centro Social, remodelación dos locais parroquiais e Casa Reitoral, adquisición dá Capela dá Milagrosa, e como broche de ouro o Ano Xubilar Mariano que estamos celebrando e a casa de Acollida “Fogar Dª Basilisa” que será a xoia dá coroa que ofrendaremos a Virxen. o día 2 de septembro.

  

No aspecto pastoral:

-A Constitución do Consello Pastoral Parroquial, a organización da catequese, o funcionamento de Cáritas Interparroquial de Bergantiños, a celebración dás Xornadas de Evanxelización, das Semanas dá Familia e dos Avós, as múltiples visitas dos Arcebispos Anxo Suquía, Antonio Rouco, Julián Barrio, do Nuncio do Papa Manuel Monteiro..., a Escola de formación de axentes de pastoral,  o programa de Radio “A Voz da Igrexa”, a instalación de Radio María, a fervorosa vivencia dá Semana Santa, a fraternal visita que cada ano facemos ao Cemiterio, a solemnidade dás festas e procesións patronais e dá Milagrosa….

-Lembro especialmente a celebración dos 6.338 bautismos, 6.426 primeiras comunións, 5.247 confirmacións, 2.150 casamentos;tamén aos 2.831 defuntos, as múltiples celebracións de Misas e Sacramentos.

Por iso a todos vos, cristiáns de Carballo e de xeito especial a tantos xenerosos e leais colaboradores que vindes adicando tempo, esforzo e diñeiro a catequése, a Cáritas e as diversas actividades dá parroquia ¡Moitas grazas e que Deus volo recompense!

Un agradecemento especial para o equipo sacerdotal,que formamos   D.Xosé Pumar (mestre ,amigo e conselleiro), Jesús Antelo , Daniel Pérez,.. que como amigos e irmáns vos estamos servindo .

     Reitero a miña gratitude a Ramón Antelo, Jesús Barrientos, Manuel Rodríguez, Eduardo Prado,e os diáconos e seminaritas que por aquí pasaron nestes anos. Sigo recordando a D.Ismael Cozar Trujillo, P.Alberto Pazos Recarey..(q.e.p.d)

Tamén é de xusticia recoñecer con gratitude a magnifica colaboración que sempre tivemos de parte do Concello, Autoridades, Institucións e Asociacións dá Vila.Moitas grazas. Pola miña parte houbo sempre a mesma disponibilidade de colaborar buscando o ben común.

Son conscientes dous meus erros e omisións, polos que pido perdón a todos os que por un motivo ou outro poiden facer dano ou non axudar como éra debido. Confío acadar desta Comunidade a comprensión xenerosa. E perdoo de corazón a quén me poidera haber feito algún dano.

      

      Ainda que non nacín aquí, síntome de corazón “fillo adoptivo” de Carballo, aquí enterrei aos meus pais, e aquí quero seguir ao voso servizo os anos que o Señor  me concéda de vida, e ser enterrado ao seu  lado . 

     Como a Virxen María,neste Ano Xubilar, digo de corazón “Magnificat” “proclama a miña alma as grandezas do Señor”.

     ¡Que Deus volo pague fregueses e veciños de Carballo!

Unha aperta

José García Gondar
Cura Párroco de Carballo

Caritas Parroquial de Carballo: premio al carballés del año 2011

Este viernes 29 de junio, se celebró en el salón de plenos del concello de Carballo la entrega de los Premios do Ano 2011 concedidos por el Padroado Fogar de Bergantiños.

 

La presidenta de Cáritas Parroquial de Carballo, Chicha Calvo Pumpido, en nombre de todos los voluntarios, ha recibido este premio al carballés del año por la generosidad, humanidad y solidaridad de Cáritas.

MUCHAS FELICIDADES